2012年6月1日 星期五

日本行DAY2

5 MAY 2012
終於打D2 REPO...我仲記得幾多呢....A_A


傳說中有男公關店的酒店後面街XDDD

呢日去新宿, 因為AZUL BY MOUSSY 既期間限定福袋A口A
去到邊都有得毒 A口A//

一行出新宿站入左去LUMINE EST就瀨晒野...買開既牌子全部都有而且計返港紙等於香港既6-7折...唔擺低一千幾百真係對唔住自己[喂]
行行下見到有一間係ELLI ROSE同SARA MARY代言既化妝品牌子, 主打係BRONZE妝!!!! 我真係中意BRONZE妝多過白白淨好多 >W< //

逃出[喂]LUMINE EST之後就見到TOPSHOP......係3層既TOPSHOP呀!!!!!!
點解香港仲未開呢間ORZ
雖然貴過香港開左果幾間同類型既少少, 但係D款真係好睇好多....

行左一大輪先開始向今日既重點進發...但係我地俾個GOOGLE地圖老點左...行左去另一邊...仲要未食飯....又曬....A09
最後要好樣衰咁問警察哥哥....問完都係聽唔明...
好彩新宿街頭有地圖, 因為呢件事我學識左睇日本地址! [高鼻]
完全唔係果邊囉好唔好....不過因為行錯路所以我找到第4日要去的FZ CAFE

終於到A09

果然係黃金週, 真係度度都有sale! 我覺得佢地揀sale item 都揀得好靚...唔似香港果d全部都係死貨....=_=
我唔記得影個福袋囉xdddd
反而買野佢竟然俾個布袋我, 又抵左XDDD

之後去食我最憎既日式西餐 [因為太多野拎焗住是但行入一間食]
但係比想像中平同ok!! @@ 可能我已經對70蚊一餐麻木了
我覺得比香港的大份

日式TABASCO

因為呢2條友買既野已經多到唔擺低行唔到落去既地步, 所以我地決定返酒店擺低D野再戰 XDDD

之後去涉谷, 完全比想像中遲出到去...天都黑埋...orz
本來想諗住行埋beams先再入109, 點知間野勁遠, 係勁遠囉好冇!!!!完全係信和同太子既距離....[喂]
其實日本冇牌子既鞋都好靚...係香港$300-400既貨色 [即係傳說中既日本返], 而且2舊水有找wwwwww 執野果時就知買鞋有幾仆街, 我total買左3對

行行下行左去american apparel, 認真, 我真係覺得呢隻牌子既男裝......真係好基...同埋真係肥d都著唔到囉 [驚]
雖然我好欣賞佢d 唔過膝既男裝短褲XDDDD
其實睇完日本D男裝, 我真係好想問點解香港D男裝咁少款....明明就可以好多變化BUT...

行返轉頭入左我完全冇興趣既BATHING APE, 我懷疑真係得香港人先會買呢隻牌子, 因為入面有個SALES係識講廣東話架!!!!!! A09 我初初以為係香港客, 點知原來係個女SALES SERVE緊班香港客囉.....

晚餐係我覺得香港有得做既燒肉

D半肥瘦肉真係不得了!!!!! 認真好食過牛角..... 雖然唔係自己燒
而且一個餐都只係~HK$100, 抵過果D 百三蚊食唔飽既吉列豬扒飯啦<<一世都要抽既水

夜晚落左酒店附近的7-11 補給, 結果買左呢個
冇雷狼龍真係好SAD!!!!!!!!!!!!!!!!!!!!!!!!!!!!!
點解香港7-11冇呢D毒野架!!!!!!!! > <